Staff është një aplikacion mobil inovativ për punësim, i pari i këtij lloji në Shqipëri, i dizajnuar për të lehtësuar ndërveprimin direkt midis kompanive dhe kandidatëve për punë. Kjo platformë e bën procesin e aplikimit për punë më të thjeshtë dhe më interaktiv, duke lejuar aplikantët të aplikojne me CV-të e tyre, me vide ose regjistrime zanore, duke ofruar një dimension të ri në mënyrën se si kandidatët komunikojnë aftësitë dhe përvojën e tyre. Gjithashtu, aplikacioni mundëson ndjekjen e statusit të punës në kohë reale, duke i mbajtur të gjithë të informuar për progresin e aplikimeve të tyre.
Një tjetër veçori tërheqëse e Staff është mundësia që kompanitë të komunikojnë direkt me aplikantët përmes një sistemi të integruar chati, e cila ndihmon në përshpejtimin e procesit të zgjedhjes dhe përmirëson ndërveprimin midis palëve. Duke ofruar këto risi, Staff synon të transformojë tregun e punës në Shqipëri, duke e bërë atë më të arritshëm, më të efektshëm dhe më transparent për të gjithë përfshirësit.